English: koNe (Kannada) = room, corner
हिंदी: कोणे, क्वाणे (कन्नड) = कमरा, कोने
संस्कृत: कोणे, क्वाणे (कन्नड) = कक्षः, कोन, कोण
ಅರ್ಥ
ರೂಂ, ಕೊಠಡಿ, ಕಕ್ಷೆ, ನಾಲ್ಕು ಗೋಡೆಗಳಿಂದ ಸುತ್ತುವರಿದ ಭಾಗ, ಮನೆಯ ಒಳಗಿನ ಮೂಲೆ/ಜಾಗ
ಮೂಲೆ, ಕಾರ್ನರ್
ಉತ್ಪತ್ತಿ
ಉಪಯೋಗ
- ಆ ಕತ್ತಲ ಕೋಣೆಯಲ್ಲಿ ಅದೆಷ್ಟು ರಹಸ್ಯ ಅಡಗಿದೆಯೋ!
- ಅವರ ಮನೆಯಲ್ಲಿ ತುಂಬಾ ಕೋಣೆಗಳಿದ್ದವು.
- ಮನೆಯ ಮಧ್ಯದ ಕೋಣೆಗೆ ಬೆಳಕು ತಲುಪುತ್ತಿರಲಿಲ್ಲ.
- ಅಡುಗೆ ಕೋಣೆಗೆ ಬೆಕ್ಕು ಹೋಗಿ ಹಾಲು ಕುಡಿದದ್ದು ಯಾರಿಗೂ ತಿಳಿಯಲೇ ಇಲ್ಲ.
- ಆ ಕ್ವಾಣೆಲಿ ಬೆಲ್ಲದ ಡಬ್ಬಿ ಇದ್ದು ತಕಂಬಾ.
ಕಾಲಮಾನ
ಮೂಲ ಭಾಷೆ
ವಿವರ
ಬಹಳ ಹಿಂದೆ ಚಿಕ್ಕ ಮನೆ ಎಂದರೆ ಒಂದು ವಿಶಾಲವಾದ ನಾಲ್ಕು ಗೋಡೆಯಿಂದ ಸುತ್ತುವರಿದ ಜಾಗ ಅಷ್ಟೇ ಇರುತ್ತಿತ್ತು. ಅದರಲ್ಲಿ ಪ್ರತಿ ಮೂಲೆಯನ್ನು ಒಂದೊಂದು ಕಾರ್ಯಗಳಿಗೆ ಬಳಸಲಾಗುತ್ತಿತ್ತು.
ಮನೆಯ ಒಳಗೆ ಒಂದು ಮೂಲೆ ಅಡುಗೆಗೆ ಬಳಕೆ ಆದರೆ ಇನ್ನೊಂದು ಮೂಲೆ ಮಲಗಲು ಹೀಗೆ ಬೇರೆ ಬೇರೆ ಕಾರ್ಯಗಳಿಗೆ ಬಳಕೆ ಆಗುತ್ತಿತ್ತು. ಪ್ರತ್ಯೇಕ ರೂಂ ಇರುತ್ತಿರಲಿಲ್ಲ.
ಸಂಸ್ಕೃತದಲ್ಲಿ ಕೋಣ ಎಂದರೆ ಮೂಲೆ ಎಂದರ್ಥ. ಅದೇ ಪದ ಕನ್ನಡದಲ್ಲಿ ಕೋಣೆ ಎಂದಾಗಿದೆ. ಕೋಣ ಪದ ಕನ್ನಡದಲ್ಲಿ ಪ್ರಾಣಿಯ ಹೆಸರಿಗೆ ಬಳಕೆ ಆಗುತ್ತದೆ. ಕೋಣೆ ಎಂದರೆ ಕಾರ್ನರ್ ಅಥವಾ ಮೂಲೆ ಎಂದರ್ಥ. ಕೋಣ/ಕೋನ ತತ್ಸಮ ಪದ ಆದರೆ ಕೋಣೆ ತದ್ಭವ ಪದ ಎನ್ನಬಹುದು.
ಮನೆಯ ಒಂದೊಂದು ಮೂಲೆ ಉಪಯೋಗಕ್ಕೆ ಅನುಸಾರವಾಗಿ ಅಡುಗೆ ಕೋಣೆ, ಮಲಗುವ ಕೋಣೆ ಎನ್ನುವ ರೂಡಿ ಇದ್ದು ಕ್ರಮೇಣ ಮನೆಯಲ್ಲಿ ಈ ಮೂಲೆಗಳನ್ನು ಗೋಡೆಗಳಿಂದ ಪ್ರತ್ಯೇಕಿಸಲು ಆರಂಭಿಸಿದರೂ ಆ ಭಾಗಗಳಿಗೆ ಕೋಣೆ ಎನ್ನುವ ಪರಿಪಾಠ ಮುಂದುವರಿಯಿತು.
ಇಂದು ಕೋಣೆ ಎಂದರೆ ನಾಲ್ಕು ಗೋಡೆಗಳಿಂದ ಸುತ್ತುವರಿದ ಭಾಗ, ಇದರ ಒಳ ಹೋಗಲು, ಹೊರ ಬರಲು ಬಾಗಿಲು ಇರುತ್ತೆ. ಕಿಟಕಿ ಇದ್ದರೂ ಇರಬಹುದು ಇಲ್ಲದೆಯೂ ಇರಬಹುದು.
ಉಪಯೋಗದ ಆಧಾರದ ಮೇಲೆ ಮನೆಯ ವಿವಿಧ ಮೂಲೆ/ಜಾಗ ಅಂದರೆ ಕೋಣೆಯನ್ನು ಬೇರೆ ಬೇರೆ ಹೆಸರಲ್ಲಿ ಕರೆಯಲಾಗುತ್ತದೆ.
ರಾತ್ರಿ ಮಲಗುವ ಕೋಣೆಗೆ ಮಲಗುವ ಕೋಣೆ (ಬೆಡ್ ರೂಂ), ಆಹಾರ ಸಿದ್ಧಪಡಿಸುವ ಜಾಗಕ್ಕೆ ಅಡುಗೆ ಕೋಣೆ, ನೀರಲ್ಲಿ ಮಿಂದು ದೇಹ ಶುದ್ದಗೊಳಿಸುವ ಕೋಣೆಗೆ ಸ್ನಾನದ ಕೋಣೆ, ಊಟ ತಿಂಡಿ ತಿನ್ನುವ ಕೋಣೆಗೆ ಊಟದ ಕೋಣೆ, ಅಧ್ಯಯನ ಅರ್ಥಾತ್ ಸ್ಟಡಿ ಮಾಡುವ ಕೋಣೆಗೆ ಓದುವ ಕೋಣೆ ಎಂದು ಹೆಸರಿಡುತ್ತಾ ಹೋಗಬಹುದು.
ಇನ್ನು ಬೆಳಕಿಲ್ಲದೆ ಸದಾ ಕತ್ತಲಿರುವ ಕೋಣೆಗೆ ಕತ್ತಲ ಕೋಣೆ, ದೇವರ ಪೂಜೆ ನಡೆಸುವ ಕೋಣೆಗೆ ದೇವರ ಕೋಣೆ ಎನ್ನಬಹುದು.
ಈ ಎಲ್ಲ ಪದಗಳು ಮಲಗೋ ಕ್ವಾಣೆ, ಅಡುಗೆ ಕ್ವಾಣೆ, ಸ್ನಾನದ ಕ್ವಾಣೆ, ಓದೋ ಕ್ವಾಣೆ, ದ್ಯಾವ್ರ ಕ್ವಾಣೆ, ಕತ್ಲ ಕ್ವಾಣೆ, ಊಟದ್ ಕ್ವಾಣೆ ಎಂದು ಆಡು ಭಾಷೆಗಳಲ್ಲಿ ಬಳಕೆ ಆಗುತ್ತದೆ.
ಊಟದ ಕೋಣೆ (ಊಟದ್ ಕ್ವಾಣೆ)
ಊಟ ತಿಂಡಿ ತಿನ್ನುವ ಡೈನಿಂಗ್ ರೂಂ ಎಂದರೆ ಊಟದ ಕೋಣೆ.
ಇದೇ ಅರ್ಥದ ಪದಗಳು
ಕಕ್ಷೆ, ಕೊಠಡಿ, ರೂಂ, ಮೂಲೆ, ಕಾರ್ನರ್
ಇದು ಇರುವ ಬೇರೆ ಪದಗಳು
ಮಲಗುವ ಕೋಣೆ, ಅಡುಗೆ ಕೋಣೆ, ಸ್ನಾನದ ಕೋಣೆ, ಊಟದ ಕೋಣೆ, ಓದುವ ಕೋಣೆ , ಕತ್ತಲ ಕೋಣೆ, ದೇವರ ಕೋಣೆ
ಏಕ ವಚನ / ಬಹು ವಚನ
ವಿಭಕ್ತಿ ಪ್ರತ್ಯಯಗಳು
| ವಿಭಕ್ತಿ | ಕಾರಕಾರ್ಥ | ಪ್ರತ್ಯಯ | ವಿಭಕ್ತಿ ಪ್ರತ್ಯಯ ರೂಪ | ಉದಾಹರಣೆ |
| ಪ್ರಥಮಾ | ಕರ್ತೃರ್ಥ | ಉ | ಕೋಣೆಯು | ಕೋಣೆಯು ಚೊಕ್ಕ ಆಗಿತ್ತು. |
| ದ್ವಿತೀಯಾ | ಕರ್ಮಾರ್ಥ | ಅನ್ನು | ಕೋಣೆಯನ್ನು | ಕೋಣೆಯನ್ನು ಖಾಲಿ ಮಾಡಿಸಲಾಯ್ತು. |
| ತೃತೀಯಾ | ಕರಣಾರ್ಥ | ಇಂದ | ಕೋಣೆಯಿಂದ | ಕೋಣೆಯಿಂದ ಬೆಕ್ಕು ಹೊರ ಬಂತು. |
| ಚತುರ್ಥಿ | ಸಂಪ್ರಧಾನ | ಗೆ, ಇಗೆ, ಕ್ಕೆ | ಕೋಣೆಗೆ | ಕೋಣೆಗೆ ಯಾರೂ ಹೋಗಿರಲಿಲ್ಲ. |
| ಪಂಚಮಿ | ಅಪಾದಾನ | ದೆಸೆಯಿಂದ | ಕೋಣೆಯ ದೆಸೆಯಿಂದ | ಕೋಣೆಯ ದೆಸೆಯಿಂದ ನಾವು ಅಪಾಯದಿಂದ ಪಾರಾದೆವು. |
| ಷಷ್ಟಿ | ಸಂಬಂಧ | ಅ | ಕೋಣೆಯ | ಕೋಣೆಯ ಬಾಗಿಲು ತೆರೆದಿತ್ತು. |
| ಸಪ್ತಮಿ | ಅಧಿಕರಣ | ಅಲ್ಲಿ, ಅಲಿ, ಒಳು | ಕೋಣೆಯಲ್ಲಿ, ಕೋಣೆಯಲಿ, ಕೋಣೆಯೊಳು | ಕೋಣೆಯಲ್ಲಿ ಯಾರೋ ಕುಳಿತಂತಿತ್ತು. ಕೋಣೆಯಲಿ ಒಬ್ಬಂಟಿ ಆಗಿ ಕುಳಿತು ಬೋರಾಗಿತ್ತು. ಕೋಣೆಯೊಳು ಕತ್ತಲು ಕವಿದಿತ್ತು. |
| ಸಂಬೋಧನೆ | ಅಭಿಮುಖೀಕರಣ | ಆ, ಎ, ಈ, ಇರಾ | ಕೋಣೆಯೇ | ಕೋಣೆಯೇ ನನ್ನ ಮಾತು ಕೇಳುವೆಯಾ? |
ಬೇರೆ ಭಾಷೆಗಳಲ್ಲಿ
ಇಂಗ್ಲಿಷ್: ರೂಂ, ಕಾರ್ನರ್
ಹಿಂದಿ: ಕಮರಾ, ಕೋನೆ
ಸಂಸ್ಕೃತ: ಕಕ್ಷಃ, ಕೋಣ, ಕೋನ
koNe (Kannada) Meaning in English
koNe(kannada) = Room, Corner
कोणे, क्वाणे (कन्नड) हिंदी में अर्थ
कोणे, क्वाणे (कन्नड) = कमरा, कोने
कोणे, क्वाणे (कन्नड) संस्कृत अर्थ
कोणे, क्वाणे (कन्नड) = कक्षः, कोन, कोण
ಈ ಲೇಖನ ಹೇಗನಿಸಿತು? ಈ ಪದದ ಬಗ್ಗೆ ಹೆಚ್ಚಿನ ವಿವರ ನಿಮಗೆ ಗೊತ್ತಾ? ಅಥವಾ ಏನಾದ್ರೂ ತಪ್ಪಿದೆಯಾ? ಕಮೆಂಟ್ ಹಾಕ್ತೀರಾ? ಈ ತಾಣ ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.