ಭೂಮಿಯ ಸನಿಹಕ್ಕೆ ಒಂದು ಧೂಮಕೇತು ಹಾದು ಹೋಯಿತು.
ಸನಿಹ ಪದದ ಅರ್ಥ, ಉತ್ಪತ್ತಿ, ಉದಾಹರಣೆಯನ್ನು ವಿವರವಾಗಿ ಈ ಪುಟದಲ್ಲಿ ನೋಡೋಣ.
{tocify} $title={ವಿಷಯ ಸೂಚಿ}
ಅರ್ಥ: ಹತ್ತಿರ, ಸಮೀಪ, ಬಳಿ, ಸನಿಯ, ಹತ್ರ, ನಿಕಟ, ಆತ್ಮೀಯ, ಆಪ್ತ
English: Saniha (Kannada) - Near, Dear
हिंदी : सनिह (कन्नड) - निकट, प्रिय
संस्कृत : सनिह (कन्नड) - समीप, प्रिय
ಅರ್ಥ
ಹತ್ತಿರ, ಸಮೀಪ, ಬಳಿ, ಸನಿಯ, ಹತ್ರ, ನಿಕಟ
ಆತ್ಮೀಯ, ಆಪ್ತ
ಉತ್ಪತ್ತಿ
ಹಳಗನ್ನಡದಲ್ಲಿ ಸನಿಯ ಎಂದರೆ ಹತ್ತಿರ ಹಾಗೂ ಸನ್ನಿಹಿತ ಅಂದರೂ ಸಮೀಪದಲ್ಲಿನ ಎಂಬರ್ಥ ಇದೆ.
ಉಪಯೋಗ
- ಭೂಮಿಯ ಸನಿಹಕ್ಕೆ ಒಂದು ಧೂಮಕೇತು ಹಾದು ಹೋಯಿತು. (ಮೇಲಿನ ಪದ ಚಿತ್ರ ಗಮನಿಸಿ)
- ಆ ಮನೆಯ ಸನಿಹದಲ್ಲೇ ಒಂದು ಕೆರೆ ಇತ್ತು. / ಆ ಮನೆಯ ಸನಿಹ ಒಂದು ಕೆರೆ ಇತ್ತು.
- ನನ್ನ ಸನಿಹಕ್ಕೆ ಬಂದು ಆಕೆ ನನ್ನ ಕಿವಿಯಲ್ಲಿ ಒಂದು ಗುಟ್ಟನ್ನು ಹೇಳಿದಳು. / ನನ್ನ ಸನಿಹ ಬಂದು ಆಕೆ ನನ್ನ ಕಿವಿಯಲ್ಲಿ ಒಂದು ಗುಟ್ಟನ್ನು ಹೇಳಿದಳು.
- ನಮ್ಮ ಆಫೀಸಿನ ಸನಿಹ ಒಂದು ಬಸ್ ನಿಲ್ದಾಣ ಇದೆ.
- ಮಾಡಿದ ಸಣ್ಣ ತಪ್ಪಿಗೆ ಗೆಲುವಿನ ಸನಿಹದಲ್ಲಿದ್ದ ಆ ಟೀಂ ಸೋತು ಬಿಟ್ಟುತು.
- ಅವನು ಆಕೆಯ ತುಂಬಾ ಸನಿಹಕ್ಕೆ ಹೋದಾಗ ಆಕೆಗೆ ಸ್ವಲ್ಪ ಮಜುಗರ ಆಯ್ತು.
- ಮುರಳಿಯು ರಾಧೆಗೆ ತುಂಬಾ ಸನಿಹ .
- ದೊಡ್ಡೇಗೌಡ ಕುಟುಂಬ ನಮಗೆ ತುಂಬಾ ಸನಿಹ.
- ಅಷ್ಟೊಂದು ಸನಿಹ ಆಗಿದ್ದ ಅವರು ಕ್ಷುಲ್ಲಕ ಕಾರಣಕ್ಕೆ ಬೇರೆ ಆದರು.
ವಿವರ
ಸನಿಹ ಎಂದರೆ ಕಡಿಮೆ ದೂರದಲ್ಲಿ ಅಥವಾ ಹತ್ತಿರದಲ್ಲಿ ಎಂಬ ಮುಖ್ಯ ಅರ್ಥವಿದೆ. ಇದು ನಿಜವಾದ ಭೌತಿಕ ಎರಡು ವಸ್ತುಗಳ ನಡುವಿನ ದೂರ ಇರಬಹುದು ಅಥವಾ ಸಾಂಕೇತಿಕ ದೂರ ಕೂಡಾ ಇರಬಹುದು.
ಉದಾಹರಣೆಗೆ (ಮೇಲೆ ಉದಾ ೪) ಗೆಲುವಿನ ಸನಿಹದಲ್ಲಿರುವ ಎಂದಾಗ ಗೆಲ್ಲುವ ಸಾಧ್ಯತೆ ಜಾಸ್ತಿ ಇದೆ ಎಂದರ್ಥ. ಇಲ್ಲಿ ಗೆಲುವು ಯಾವುದೇ ವಸ್ತು ಅಲ್ಲ. ಕೇವಲ ಗುರಿ ಮಾತ್ರ.
ಇನ್ನೊಂದು ಉದಾಹರಣೆ "ಆ ಎರಡು ಮನಸ್ಸುಗಳು ತುಂಬಾ ಸನಿಹ ಆಗಿದ್ದವು" ಇಲ್ಲಿ ಮನಸ್ಸುಗಳ ನಡುವಿನ ದೂರ ಸಾಂಕೇತಿಕ ಮಾತ್ರ. ತೀರಾ ಆಪ್ತರು ಅಥವಾ ಆತ್ಮೀಯರು ಎಂಬ ಅರ್ಥ ಕೊಡುತ್ತದೆ.
ಟ್ರೆಕ್ಕಿಂಗ್ ಗೆ ಹೋದಾಗ ಆ ದಟ್ಟ ಅರಣ್ಯದಲ್ಲಿ ದಾರಿ ತಪ್ಪಿತು. ಅಲೆದಾಡಿ ಒಂದು ಕಡೆ ರಾತ್ರಿ ಎಲೆಗಳ ರಾಶಿಯ ಮೇಲೆ ಮರದ ಕೆಳಗೆ ಸುಖದಿಂದ ಮಲಗಿದ್ದೆವು. ಬೆಳಿಗ್ಗೆ ಎದ್ದಾಗ ಸಿಂಹದ ಗುಹೆಯೊಂದು ಸನಿಹದಲ್ಲೇ ಇರುವದು ಗೊತ್ತಾಯ್ತು. ಇಲ್ಲಿ ಸಿಂಹದ ಗುಹೆ ಹತ್ತಿರ ಇತ್ತು ಎಂಬರ್ಥದಲ್ಲಿ ಸನಿಹ ಪದ ಬಳಕೆ ಆಗಿದೆ.
ಕೆಲವರು ಸನಿಹದ ಬದಲಾಗಿ ಸನಿಯ ಎಂದು ಬಳಸುತ್ತಾರೆ. ಅದರ ಅರ್ಥವೂ ಕೂಡಾ ಸನಿಹ ಪದಕ್ಕೆ ಸಮ.
ಕಾಲಮಾನ
ಮೂಲ ಭಾಷೆ
ಇದೇ ಅರ್ಥದ ಪದಗಳು
- ಸನಿಯ, ಹತ್ತಿರ, ಸಮೀಪ, ಬಳಿ, ನಿಕಟ, ಹತ್ರ
- ಆತ್ಮೀಯ, ಆಪ್ತ
ವಿರುದ್ಧ ಅರ್ಥದ ಪದಗಳು
- ದೂರ, ತುಂಬಾ ಅಂತರ, ಬಹಳ ಅಂತರ
- ಆತ್ಮೀಯನಲ್ಲದ, ಆಪ್ತನಲ್ಲದ